Xana salúdavos

lunes, 1 de junio de 2015

Esta vegada la cosa va de flores

En llegando la primavera´l collor llena tolos praos y paisaxes y recorre tolos llugares, dende la cume la montaña hasta la oriella la mar.
En Collanzo ficimos unos murales con flores que fuimos atopando pol nuestru pueblu y en Beyo como garremos cardos pero taben secos, tuvimos que da-yos flores y decoralos, estos son los resultaos:



Cirsium vulgare, planta espinosa de flores púrpures.








viernes, 15 de mayo de 2015

Frutes de Primavera

Tamos viendo los frutos d´ abril, mayu y xunu colos sos árboles.
Nisal y el so frutu´l nisu , cirolal col so frutu la ciruela que ye un poquiñín más grande que´l nisu, piescal y los piescos, la prunal ye ´l árbol silvestre que da prunos, los prunos son frutos moraos o negros de sabor agrio, por últimu, les cerezales.
Ficimos un árbol con materiales reutilizables y apegamos les frutes nél.

martes, 12 de mayo de 2015

Llibru "Blimes nueves/bringas novas" Selmana de les Lletres Asturianes



Calca na portada´l llibru pa velu dende Educastur en formatu PDF, na siguiente entrada voi colgar les páxines ónde apaecen les nenes y el nenu ganadores del CRA.
Llibru perprestosu que recueye una muestra de los trabayinos de los escolinos y escolines qu´añu trés añu van faciendo con munchu enfotu con motivu de la cellebración de la Selmana de les Lletres Asturianes.


jueves, 30 de abril de 2015

XXXVI Selmana de les Lletres Asturianes

Esti añu la Selmana de les Lletres Asturianes nun ta dedicada a nengún escritor nin escritora o xéneru lliterariu, la rapazá ye la protagonista, ye por ello polo que va espublizase un llibru nel que van apaecer los trabayos escolares, esti llibru regálase cola compra d´otru llibru na llingua asturiana.
Nel CRA Altu Ayer siempre tenemos bonos artistes y por eso quiero dicir que los cuentos que ficieran tolos neños y neñes tán perbién, pero como tolos concursos nos que mos venimos presentando, el xuráu tien d´escoyer a algunos ganadores d´ente los diferentes coles d´Asturies. 
¡NORABONA!
Julia, Sheila y Aarón (Santibanes)
Y...al restu, nun desesperar, hai que siguir escribiendo, illustrando, creando, suañando, disfrutando colo que facemos, eso sí ye lo más importante.

Calcai na imaxe pa ver los ganadores de los certámenes en toles categoríes.










lunes, 6 de abril de 2015

La Primavera: Xentiquina

Canciu de la Primavera del grupu Xentiquina y escrita por Nacho Fonseca.

Vamos xugar a conocer munchos animalinos de la viesca que salen percontentos nesta estación y otros xuegos  perprestosos del "Puertu d´Asturies".

Pa xugar calca na imaxe:


miércoles, 25 de marzo de 2015

LA PRIMAVERA CON V Y BAMBI CON B

Güei conocimos dalgunes aventures del corzu Bambi y los sos collacios, sobre too, a Tambor l´amigu coneyu que lu ayuda siempre, ye como si fora un maestru pa él.
Ye perimportante que nos ayudemos o como dicimos equí n´Asturies,  echemos un gabitu a los nuesos collacios y collacies y a la nuesa familia.
Depués sintimos el canciu de Bambi n´asturianu y prestó muncho.
Equí lu tenéis:
Atendéi pa esti otru vídeu, ¡Bambi y Tambor de verdá!